Admin
Admin
عدد المساهمات : 74
تاريخ التسجيل : 22/09/2009
العمر : 52
 |  موضوع: فى كل ايميل لفظspam فما هو؟؟؟؟؟؟؟؟؟؟؟؟؟؟؟؟  الأحد ديسمبر 06, 2009 4:35 pm | |
| ببساطة ، السبام (spam) و ساعات بيعرف باسم سُخام (scam) بتكون عبارة عن رسائل غير مرغوب فيها و بتوصل للشخص بدون رضاه .
مثلا نفترض حضرتك عندك ايميل على ياهو ms.amal@yahoo.com ، و في يوم من الايام وصل لحضرتك رسالة الكترونية من ايميل غريب و محتوى الرسالة دي اعلان عن اي حاجة (شركة مش عارف ايه تقدم عرض عن مش عارف ايه كدا و لفترة محدودة) في الحالة دي الرسالة دي اسمها سبام .
المشكلة ان الرسالة دي مش بتيجي مرة واحدة كدا و خلاص ! ، انما الشخص اللي قدر يوصل لايميل حضرتك ده و يعرفه بيفضل يعت عليه رسائل كتير تاني و كمان ساعات بيبيع الايميلات اللي بيوصلها دي شركات عاوزة تعمل اعلانات او حاجة زي كدا و المشكلة ان الايميل اللي بيبعت منه مش ثابت !
في ناس بتفرق بين السبام و السُخام على اساس ان السبام هو الرسائل الاعلانية غير المرغوب فيها و السخام هو الرسائل الاحتيالية ، رسائل احتيالية مثلا شخص يبعت رسالة بيقول فيها انك دخلت سحب في مسابقة و كسبت 100 الف جنية ! كل اللي عليك انك تبعتلنا بيانات حسابك البنكي عشان نحولك الجايزة !
بس بصراحة انا مشوفتش التفريق ده غير في بعض المواقع العربية ، و اعتقد سبام و سخام هما الاتنين يعبروا مترادفين .
طبعا موضوع السبام ده مش بس ايميلات ممكن يكون ردود في منتدى مثلا ، و ممكن يكون عربي او انجليزي او بأي لغة .
المهم في الموضوع طريقة الوقاية منه ؟
الاول ازاي الناس اللي بتبعت السبام بتعرف الايميلات ؟
السبامرز (الناس اللي بتبعت السبام) دول بيعملوا برامج صغيرة غالبا بيشار اليها بـ bot او spider مهمته انه بيدور في المواقع على ايميلات ، مثلا السبامر بيحددوا موقع معين (نفرض alltalaba.com) و البوتات دي بتبحث في كل صفحات الموقع او المنتدى على اي ايميل و تسجله عندها .
عشان كدا بيقولوا ديما متكتبش ايميلك في اي مكان بشكل صريح في مكان عام زي كدا email@yahoo.com ان كان لازم كتابة الايميل في مكان عام يبقى يكون بشكل مختلف مثلا email {at} yahoo.com ، او اي شكل تاني او حتى على شكل صورة (صورة مكتوب عليها الايميل) .
و برده الناس تبطل تبعت ايميلات لاكتر من شخص و يحط ايملات الناس في خانة cc مش bcc !! (ده غلط)
الفرق بين cc و bcc ان الاول بيظهر فيه الايميلات اللي مبعوت ليها الرسالة و التانية مش بيظهر ، يعني ،
لو انا بعت رسالة لشخص (أ) و شخص (ب) و مش عاوز الاول يعرف اني بعت الرسالة للتاني المفروض اضيف اسمائهم في خانة bcc لاني لو حطيتهم في خانة cc هيظهر في الرسالة المبعوتة لـ (أ) ايميل الشخص التاني (ب) (ممكن الجزئية دي تكون مش واضحة اوي انا عارف ، بس ما علينا يعني biggrin.gif ، و المهم ان الشخص لما ييجي يبعت الرسالة لاكتر من شخص الافضل انه يضيف الايميلات في خانة bcc .
و اخيرا يفضل دايما يكون في ايميل للحاجات المهمة و الرسمية مثلا و ايميل عام لان مجرد استعمل الايميل في اي حاجة بتكتر امكانية انه يتعرف عن طريق السبامرز .
ده بشكل مختصر نوعا ما يعني biggrin.gif و بدون الدخول في حاجات تقنية زي ازاي السبامرز دول بيبعتوا الرسائل من ايملات مختلفة عشان ميتعملهاش بلوك و ازاي بيحول الاجهزة لزومبي (zombie) بحيث يستخدمها في ارسال الايميلات دي و حاجات تانية كتير كدا biggrin.gif | |
|
